Nagpasalig ang pamunuan sang Iloilo Police Provincial Office (IPPO) sang bug-os nga suporta sa mga testigo sa Claire Diergos Murder case.
Ini ang kasunod sang pag-file sang counter charges sang kampo ni anay San Dioniso, Iloilo Mayor Peter Paul Lopez batok sa mga testigo.
Ginpanindugan sang kampo sang Lopezes nga lunsay wala sang kamatuoran ang sworn affidavit sang mga masunod nga witness:
1.amay ni Claire
2.duha ka utod ni Claire
3.bayaw nga lalaki
4.traysikad driver
5.una nga timbang ni Claire antes ni Rudelyn Sumbong
6.PSSgt Icen Howen Beronio sang San Dionisio PNP
Ginpasakaan sang Lopezes sang kaso nga perjury ang nasambit nga mga indibidwal.
Sa interview sang Bombo Radyo kay Pol. Col. Adrian Acollador, director sang IPPO, iya ginpahayag nga bug-os nga paggiya kag proteksyon ang ila ginapasalig sa mga witness nga nangisog sa pagtuad sang ila mga nahibal-an sa kaso ni Claire.
Suno sa pulis, nagapasalamat sila nga hugot ang panindugan sang mga testigo sa ila gintuad nga mga impormasyon.
Dugang pa ni Acollador, hugot ang ila pagmonitor sang kahimtangan kag safety sang mga testigo kag nakahanda sila nga magresponde, sa tion nga may yara sang may magpalab-ot sang concern.
