Naka-alerto ang Iloilo Police Provincial Office (IPPO) kadungan sang tion sang simbang gabi subong nga bulan sang Disyembre.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga ‘in place’ ang mga security measures kag preparasyon sang IPPO subong nga holiday season.
Suno kay Araño, ang tagsa ka mga police stations sa probinsya ang preparado kon sa diin, ang tagsa ka simbahan ang may ginpahamtang nga police assistance desk.
Nagpasalig man ini nga may mga mobile patrol team ang naka-assign agud nga magpatrolya samtang nagapadayon ang Simbang gabi.
Luwas dira, may yara man sang augmentation sang force multipliers, partikular ang mga barangay tanod nga nagasekyar man sang ila komunidad.
