ILOILO CITY- Nakakumpiska ang Iloilo Police Provincial Office sang masobra P15.3M nga balor sang iligal nga druga sa bulan sang Septyembre.
Sa interview sang Bombo Radyo kay PMaj Rolando Araño, spokesperson sang Iloilo Police Provincial Office, iya ginpahayag nga resulta ini sang ginpatigayon nila nga 26 ka buy bust operations.
Suno kay Araño, 31 ka mga drug personalities man ang ila nagkaladakpan.
Naglab-ot naman sa malapit 2.5 kilos sang illegal drugs ang narekober.
Ginpahayag ni Araño nga kalabanan nga contact nga supplier sang mga nadakpan amo ang sa New Bilibid Prison apang may nagakuha man sa Bacolod City kag Iloilo City.
