ILOILO – Tatlo ka mga proyekto ang luyag padayunon ni Police Col. Gilbert Gorero bilang Officer-in-Charge sang Iloilo Police Provincial Office.
Ini ang gin-istoryahan kadungan sang iya nga pag-courtesy call kay Iloilo Gov. Arthur Defensor Jr. kaupod si anay Iloilo Police Provincial Office Director Paul Kenneth Lucas nga sa subong, na-assign na bilang Chief Directorial Staff sang PNP-Finance Service sa Camp Crame.
Sa interview sang Bombo Radyo kay Gorero, iya ginpahayag nga luyag niya nga may yara sang moderno nga police station sa tagsa ka banwa sa probinsya sang Iloilo apang mas maayo kun maghatag sang duta ang Local Government Unit.
Magluwas diri, tutukan man ni Gorero ang peace and order ilabi na sa mga malayo nga banwa nga may yara sang island barangay.
Isa man sa ginapasiguro ni Gorero amo nga mangin patas ang Iloilo Police Provincial Office sa pagpatuman sang layi kag mga ordinansa.
