ILOILO CITY – Regular nga ginapatigayon sang Iloilo Police Provincial Office (IPPO) ang inspection sa cellphone sang kapulisan kun bala may yara sang application sang online sabong kag iban pagid nga sahi sang online gambling.
Sa interview sang Bombo Radyo kay PSMSgt. Francisco Lindero Jr., spokesperson sang Iloilo Police Provincial Office (IPPO), ang inspection sa cellphone sang mga pulis ang ginmandu mismo ni PNP Chief Police Director General Dionardo Carlos.
Sa IPPO, kada Byernes, gina isa-isa ang cellphone sang tagsa ka pulis kag ginalantaw kung naga-intra ang mga ini sa ano man nga sahi sang online gambling.
Suno kay Lindero, sa pila ka semana nga inspection, wala sang may nadakpan nga pulis nga naga-intra sa online gambling.
Sa bilog nga Pilipinas, humalin Enero 1 tubtob Pebrero 21, naglab-ot na sa pito ka mga pulis ang ginpasaka-an na sang kaso administratibo bangud ginapahayag nga naga-engage sa e-sabong.
