ILOILO – Ginahandaan na sang Iloilo Police Provincial Office (IPPO) ang pag-abot sang holiday season sa probinsya sang Iloilo.
Sa interview sang Bombo Radyo kay Pol. Col. Gilbert Gorero, director sang Iloilo Police Provincial Office, iya ginpahayag nga ipatuman sang mga pulis ang mga pagsulundan santo sa quarantine classification sang probinsya.
Wala sang pagbag-o sa mga preparasyon suno kay Gorero kaangay sang nagligad nga mga Paskwa kag Bag-ong Tuig bangud may iga-deploy sa gihapon nga mga police personnel sa mga simbahan para sa Simbang Gab-i.
Hugot nga imonitor ang paguksok sang face mask kag face shield, kag ang pinaka-hangkat suno kay Gorero amo ang pagpatuman sang physical distancing ilabi na bangud 30% seating capacity lang ang ginapahanugutan sa mga lugar nga may mga pagtilipon.
Sa paggamit naman sang firecrackers ilabi na sa New Year, sundon ang Civil Security Unit.
Ang Civil Security Unit amo ang responsible office sang Philippine National Police sa pag-isyu sang permit kag nagakaigu nga dokumento sa mga manugbaligya.
Kun madakpan ang mga firecracker-sellers nga wala sang permit, ikumpiska ang ila nga mga items.
