ILOILO – Magapatigayun sang kaugalingon nga imbestigasyon ang Iloilo Police Provincial Office may kaangtanan sa kamatayon sang isa ka lalaki nga ginluthang-paytay sa checkpoint sa Brgy. Zerrudo, Sara, Iloilo.
Sa interview sang Bombo Radyo kay Police Colonel Roland Vilela, director sang Iloilo police Provincial Office, iya ginpahayag nga gin-relieve na gikan sa Iloilo 2nd Mobile Force Company ang tatlo ka police nga sanday Police Corporal John Michael Partia, Police Corporal Alfredo Bartulo Jr. kag Patrolman Christopher Paclibar.
Suno kay Vilela, yara na subong sa Provincial Holding ang Administrative Unit sang Police Regional Office 6 ang tatlo ka mga police.
Ginpahayag ni Vilela nga indi lang ordinaryo nga checkpoint ang ginpatigayun sa baylo, isa ka high risk checkpoint bangud man sa sunod-sunod nga encounter sa tunga sang militar kag New People’s Army.
Una nga nagpalupok sang armas suno kay Vilela ang biktima nga si Adonis Hontiveros, 26, sang Ajuy, Iloilo.
Wala man sang rason suno sa natungdan nga mag-una palupok sang armas ang mga pulis.
