Nag-appoint na ang Iran sang bag-o nga intelligence chief sa sulod sang Islamic Revolutionary Guards Corps (IRGC) kasunod sang pagkapatay sang anay intel chief bangud sa airstrike.
Ginpili ni Iran Islamic Revolutionary Guards Corps (IRGC) commander, Major General Mohammad Pakpour si Brigadier General Majid Khadami nga magaserbu bilang bag-o nga head sang intelligence division.
Pagatal-osan ni BGen Khadami si Mohammed Kazemi ang anay intel chief nga napatay sa nauna nga strike kaupid ang duha pa ka mataas nga opisyal sang IRGC nga sanday Hassan Mohaghegh kag Mohsen Bagheri.
Samtang, sa ia ka interview kay IRGC commander Pakpour, kampante ini nga magampanan sang bag-o nga gin-appoint nga intel chief ang iya responsibilidad, kadungan sang mga serye sang airstrike nga ginpatigayon sini batok sa Israel.
Liwat nga nagpabalo ang Iranian war chief sa Israel sang mas mabug-at nga pag-atake sa masunod nga adlaw.
