Nagpa-andam ang pungsod Iran nga mangin lehitimo sini nga target ang US bases, mga pasilidad kag assets kun maga-atake na ang America.
Ini sa tunga sa ginhatag nga pagpalawig ni US President Donald Trump sa Iran nga 10 tubtob 15 nga adlaw para maka-angkon sang nuclear deal.
Ginpasapubliko ni Iranian Ambassador to the United Nations Amir Saeid ang ini nga pahayag paagi sa isa ka sulat nga ginpadala kay UN Secretary General Antonio Guterres kag Security Council president.
Nahibaluan nga gin-mensyonar ni Trump sa iya social media nga may posibilidad nga kinahanglan sang US ang mga base militar sang UK, dala na ang isa sa Indian Ocean Island kun indi magpasugot ang Iran.
Suno sa Iran Ambassador, ang ini nga pahayag nagapakita sang matuod nga katalagman sang military aggression nga ang resulta pwede makaguba sa rehiyon kag posible magdala sang tuman nga peligro sa international peace and security.
Nauna na nga gin-report nga nagahanda na ang Amerika sa paglunsyar sang strike sa Iran, samtang nagapadala si Trump sang warships, fighter jets, kag iban pa nga pwersa militar sa Middle East agud mapunggan ang Iran sa paghimo sang nuclear bomb, nga ginapanginwala naman sang Tehran.
