Gin-anunsyo ni US President Donald Trump nga nakakuha ini sang garantiya halin sa Iran nga indi ini maghimo sang nuclear weapons.
Ginpahayag ini sang presidente sa tunga sang reports nga may ginbalik ini nga proposal sa Tehran. Indi klaro kun ano pa nga mga terms ang ginplastar ni Trump nga dapat ikonsiderar sang pihak nga kampo.
Una na sini nga ginpahayag nga ang iya prayoridad sa ano man nga kasugtanan amo nga pauntaton ang Iran sa nuclear weapon development kag ang pagbukas liwat sang Strait of Hormuz nga amo ang alagyan sang 1/5 sang langis nga gina-suplay sa kalibutan.
Kun may bag-uhon pa sa agreement, mahimo magdugay pa gid ang kasugtanan nga amo ang nagatuyo nga pormal na nga tapuson ang gyera sa Middle East nga nagsugod sadtong Pebrero 28, 2026 sang gin-atake sang US kag Israel ang Tehran.#
