IRELAND- Nagapadayon ang containment phase agud malikawan ang paglapta sang Coronavirus Disease 2019 (COVID-19) sa Ireland.
Sa interview sang Bombo Radyo kay Pralyn Oriemo direkta sa Ireland, iya ginpahayag nga magluwas sa containment phase, ginapatigayon man ang self isolation sa tion nga may yara sang sintomas sang COVID-19.
Suno kay Oriemo, may ginapaguwa man nga advisory sa staff nurses kag sa mga nagatrabaho sa medical field nga magpatigayun sang 14-day quarantine kun nakapadulong sa mga lugar nga may yara sang kaso sang nasambit nga virus.
Ginpahayag ni Oriemo nga out of stock na ang facemasks kag sanitizers sa pharmacy apang wala sang pagtaas sang presyo.
Sa subong suno sa natungdan, may anom ka kaso sang COVID-19 sa Ireland.
