Ginkaakig sang Israel ang gin-anunsyo sang Ireland, Spain kag Norway nga kilalahon nila ang Palestine bilang isa ka state.
Ini nga tikang sang tatlo ka pungsod ang ginhimo agud nga madayon na ang ceasefire sa Israel-Hamas war sa Gaza kag mapaguwa na ang mga bihag.
Para kay Norwegian Prime Minister Jonas Gahr Store, ang nagaisahanon nga political solution sa away sang Israelis kag Palestinians amo nga kilalahon sila bilang separado nga mga estado nga nagakabuhi nga may kalinong kag seguridad.
Nagpanginit naman ang Israel kag nagsiling nga ang pagkilala sa Palestinian state ang katumbas lamang sa pag-award sa Hamas militants nga nag-atake sa Israel sang Oktubre 7,2023 nga amo ang panugod sang gyera sa Gaza.
Sa pihak nga bahin, nalipay naman ang Palestine sa desisyon sang tatlo ka nasyon.
Nahibaluan nga 144 sa 193 member states sang United Nations ang nagakilala sa Palestine bilang state lakip na ang Russia, China, kag India.
