Ginalantaw nga mangin operational na ang Maharlika Investment Fund antes matapos ang tuig, bangud subong pa lang, handa na kag naplastar na ang implementing rules and regulations (IRR).
Suno kay Finance Secretary Benjamin Diokno, sa sulod sang isa ukon duha ka semana, pirmahan na ni President Ferdinand Marcos,Jr. ang amo nga hagna.
Una na nga ginpahayag ni Senate President Juan Miguel Zubiri nga napadala na ang final version sang hagna kay Marcos, samtang suno naman kay Diokno, gina-circulate pa ini subong sang staff sang presidente para sa review.
Mayor nga tutukan sang Maharlika amo ang imprastrakstura suno sa tiglikom bangud may yara na sang 194 ka mga proyekto ang gobyerno nga handa na nga ipatuman.
Magluwas sa inisyal nga pondo halin sa mga bangko sang gobyerno, Bangko Sentral ng Pilipinas kag halin mismo sa national government, bukas man ang Maharlika sa investors suno pa sa tiglikom. #
