MANILA — Nabulgar sa Senate hearing kaangot sa operasyon sang Philippine Offshore Gaming Operators (POGO) ang ginapahayag pagkawat ni Bamban, Tarlac Mayor Alice Guo sa identity sang isa ka persona.
Sa iya opening statement, ginphayag ni Senator Risa Hontiveros, Chair sang Senate Committee on Women, Children, Family Relations and Gender Equality nga nakakuha siya sang dokumento sa National Bureau of Investigation (NBI) sa diin makita nga may isa ka persona nga nagapangalan sang Alice Leal Guo.
Ini nga pangalan amo ang ginapahayag ginagamit ni Mayor Guo agud matago ang iya matuod nga pangalan nga si Guo Hua Ping nga isa ka Chinese.
“Is this a case of stolen identity? Has Guo Hua Ping assumed the identity of a Filipino woman?”, pahayag ni Hontiveros.
Ang ginapahayag matuod nga Alice Guo ang nabun-ag sang Hulyo 12, 1986 kag residente sang Project 8, Quezon City.
Samtang si Mayor Guo naman ang tumandok sang Bamban, Tarlac.
Nahibaluan nga no show si Mayor Guo sa hearing subong nga adlaw.
