ILOILO CITY – Patay na sang nasapwan ang isa ka 22 anyos nga lalaki matapos naghikog sa Brgy. Tabucan, Mandurriao, Iloilo City.
Ang biktima amo si alyas Ged, 22, isa ka first year Bachelor of Science in Social Work student kag residente sang nasambit nga lugar.
Sa interview sang Bombo Radyo kay alyas Faye, tiya sang biktima, iya ginpahayag nga nakibot na lamang sila sang masapwan nila ang iya nga hinablos nga nakabitay gamit ang lubid sa ikaduha ka panalgan sang ila nga balay.
Suno kay Faye, wala gid sila maghuna-huna nga maobra ini sang iya hinablos bangud sang tinalikdan nga mga inadlaw, maayo pa ang yuhom sini.
Gintuad ni Faye nga masami nga nagareklamo si Ged sa iya nga iloy nga nagakabatyag ini sang tuman nga stress kag pressure sa iya nga online class.
Apang ginalaygayan man ini padayon sang iya nga iloy nga indi magsurrender sa iya pagtuon.
Gilayon naman nga gindala sa punerarya ang bangkay sang biktima.
