𝗗𝗔𝗩𝗔𝗢 𝗖𝗜𝗧𝗬—Gin-athag sang isa ka abogado nga temporaryo lamang ang mando nga ginpapanaog sang Regional Trial Court (RTC) Branch 15 sang Davao City kag mahibaluan lamang ang masunod nga matabo matapos ang 15 ka adlaw.
Ini kasunod man sang pag-apruba sang Davao City Regional Trial Court sang temporary protection order sa Kingdom of Jesus Christ (KOJC).
Sa interview sang Bombo Radyo kay Atty. Joenar Pueblo, Bombo Abogado, iya ginpahayag nga ang temporary protection order ang kinahanglan nga respetohon sang mga pulis.
Suno kay Pueblo, ang ini nga tikang ukon mando ang para sa benepisyo sang mga Kingdom of Jesus Christ kag sa mga sumulunod sang amo nga religious group.
Ginpahayag man sini nga masami lamang nga ginadagdag ang amo nga mando may kaangtananan sa Violence against Women’s and Children (VAWC).
Ginakabig man sang natungdan nga isa ka brilliant nga ideya ang ini nga tikang, kon sa diin, gingamit ang sitwasyon sang mga kabataan kag kababainhan sa sulod sang KOJC compound agud nga maaprubahan ang temporary protection.
