ILOILO CITY — Nagapanindugan ang isa ka abogado nga nagakadapat na nga ipasar ang House Bill (HB) 9349 ukon absolute divorce agud mangin isa ka layi sa Pilipinas.
Sa interview sang Bombo Radyo kay Atty. Alfredo Arungayan III, Law Professor, University of San Agustin – College of Law, iya ginpahayag nga ang grounds nga ginbalay sa House Bill 9349 ang naga-eksister na sa idalum sang layi, sa diin, mas ginpakamaato nga amyendaran agud ma-update kag mangin epektibo ang bag-o sini nga kaunran sa subong nga henerasyon.
Suno kay Arungayan, lakip sa bag-o nga unod sang House Bill amo ang marital abuse kag sexual realignment nga wala sa nauna nga ginduso nga House Bill.
Ginpahayag man sini nga madamo na sang mga kasado nga mag-asawa sa Pilipinas ang naka-eksperyensya sang mga pagpang-abuso apang indi makahalin sa isa ka relasyon bangud man nga indi ini sakop sang existing laws sang pungsod.
Nahibaluan nga sang damlag lang, naaprubahan na sang mga mamalidha ang divorce bill sa ikatatlo sini nga pagbasa sa House of Representatives.
Gin-aprubahan ang House Bill No. 9349 sang 126 ka mga mamalidha para sa affirmative, 109 sa negative, kag may 20 ka abstentions ukon mas ginpili nga indi magboto.
