ILOILO CITY — Nagapati ang isa ka abogado nga labing-importante nga nagkadapat nga may masangkad nga ihibalo ang isa ka alkalde sa iya nasakopan nga lugar ilabi na sa mga nagakalatabo sa iya ginapamunuan nga banwa.
Ini kasunod man sa pagpanginwala ni Bamban, Tarlac Mayor Alice Guo nga may kaangtanan ini sa operasyon sang Philippine Offshore Gaming Operation (POGO) sa ila nga lugar.
Sa interview sang Bombo Radyo kay Atty. Joe Abad Lazaro, abogado sang The Law Firm of Oso, Pueblo and Associates, iya ginpahayag nga kun gina-akusar sang isa ka tawo, kinahanglan anay sang naga-akusar sang pamatuod nga sa ginahaboy sini nga akusasasyon.
Suno kay Lazaro, bangud si Guo ang isa ka alkalde sa ila nga lugar, kinahanglan nga may ihibalo ini sa mga nagakalatabo ilabi na kun may iligal nga ginapatuman ang isa ka operasyon.
Ginpahayag man sini nga may katungdanan si Guo nga i-regulate ang dalagan sang POGO sa ila nga banwa, ilabi na nga nagaagi sa iya ang legal nga mga proseso antes pahanugutan nga maka-operate ang isa ka negosyo.
Ginlaragway man sini nga kaangay na lamang sang business permit, diri magasulod ang katungdanan ni Guo nga sekyaron kun naga-comply kag nagasunod ang isa ka kompanya sa mga regulasyon sang banwa.
