Isa ka ahente sang Immigration and Customs Enforcement (ICE) sang Estados Unidos ang nagtiro- patay sa 37-anyos nga babayi bangud sa pagtuyo sini nga palagyuhang ang checkpoint sa Minneapolis.
Natabo ang insidente sa tunga sang hugot nga kampanya sang administrasyon ni President Donald trump batok sa mga immigrante sa nagakalain-lain nga bahin sang pungsod.
Suno sa Department of Homeland Security, nagpalupok ang ahente matapos nga gintuyo sang babayi nga bungguan ang opisyal sang dala sini nga salakyan.
Suno pa sa alcalde sang syudad kag hepe sang pulisya nga indi pa klaro ang una nga imbestigasyon sa pagtuyo sang biktima sa pag-ipit sa opisyal.
Ginkumpirma sang opisyal nga ang babayi isa ka American kag indi target sang operasyon sa imigrasyon.
Padayon pa ang imbestigasyon sa insidente nga liwat nagpukaw sang pagkamalaot batok sa indi manami nga pagpatuman sang layi sang imigrasyon sa Estados Unidos.
