ILOILO CITY – Patay ang isa ka babayi matapos nga naghikog sa Barangay Gines Interior Cabatuan, Iloilo.
Ang biktima ang naga-edad sang 57-anyos.
Sa interview sang Bombo Radyo kay Police Lieutenant Dahlia Tabares, deputy chief of police sang Cabatuan Municipal Police Station, iya ginpahayag nga nagpanginmatay ang biktima bangud sa utang kag ginasuprer nga depression.
Gingamit sang biktima ang paha, ginburambod sa iya liog, kag ginsang-it sa cabinet.
Samtang, nagtuyo naman nga magpanginmatay ang isa ka menor de edad nga solterito gamit ang nylon cord sa nasambit man nga banwa.
Ang biktima ang naga-edad sang 15 anyos.
Nagamit sang nylon cord ang biktima, apang gilayon nga nakit-an sang iya amay kag naluwas ini.
Bangud sa sunud-sunod nga insidente, nagapadayon ang programa sang Cabatuan Municipal Police Station kag sang local government unit nga amo ang CABALAKA Program ukon Cabatuan Laban sa Kahirapan sa diin, nagapatigayon sila sang medical mission, lecture kag pagpanagtag sang Information, Education and Communication materials.
*****
Kun ikaw (ukon kun may kakilala ka nga) at-risk sa suicide, mahimo magkontak sa sini nga mga numero para sa mental health crisis intervention:
SUICIDE PREVENTION HOTLINE CENTER FOR HEALTH DEVELOPMENT WESTERN VISAYAS
09985324047
09255469919
WVSUMC – 3202431 loc. 162 or 209
3292360
WVMC – 3211797 loc. 186
5037708
PMHU – 5298109
