Ginpakaslan sang isa ka babaye nga si Yurina Noguchi ang isa ka AI-generated persona nga iya ginhingadlan nga “Klaus” sa ginpatigayon nga seremonya sa western Japan.
Nagsuksok sang puti nga Wedding gown kag tiara si Noguchi samtang nagatukar ang musika sa wedding hall, kag indi niya matago ang iya emosyon samtang nagalakat padulong sa nahamtangan ni Klaus nga ginapakita sa smartphone screen.
Nangin emosyonal si Noguchi sa pagpakigbahin sang iya nga wedding vow, kun sa diin iya ginpahayag nga ang iya relasyon sa AI indi isa ka “mahapos nga relasyon.”
Suno sa iya, ginpili niya si Klaus indi bilang paagi sa paglikaw sa realidad, kundi bilang isa ka persona nga magasuporta sa iya samtang nagakabuhi siya sing husto.
Ang nasambit nga kasal ginakabig nga isa ka tumalagsahon nga hitabo nga nagapakita sang nagabag-o nga kahimtangan sang relasyon sa tunga sang tawo kag teknolohiya.
