ILOILO – Gin-anod ang isa ka balay sa Sitio Layog Bato, Barangay Mapili San Enrique, Iloilo.
Sa interview sang Bombo Radyo kay Marley Dela Cruz Gevero, residente sang nasambit nga lugar, iya ginpahayag nga las dos sang hapon nagbubu ang mabaskog
nga ulan sa diin gintunaan sang tuman nga pagbaha.
Suno kay Gevero, ila man nakita nga gin-anod ang balay sang ila kasilingan nga bag-o lang nahuman.
Pahayag ni Gevero, may nagbalabag nga kahoy sa overflow rason nga nag-alawas ang tubig-baha.
Dugang sang natungdan, ini ang pinakauna nga kahigayunan nga ginbaha ang ila nga lugar.
