ILOILO CITY – Nag-deploy sang isa ka battalion nga pulis ang Police Regional Office 6 (PRO-6) sa Boracay.
Kabahin ini sang pagpanghanda para sa posible protesta sa Boracay bangud sang desisyon sang Duterte administration nga ipasirado temporaryo ang isla sa sulod sang anom ka bulan para sa rehabilitasyon.
Sa interview sang Bombo Radyo Iloilo, ginpahayag ni PRO-6 PRO-6 Deputy Regional Director for Administration C/Supt. Carlito Feleciano nga ginhanas ang nasambit nga mga pulis sa civil disturbance management.
Suno kay Feliciano, ginmanduan ang 140 police force nga magpatuman sang maximum tolerance.
Apisar nagalaum nga wala sang matabo nga mga kinagamo, ginpahayag ni C/Supt. Feliciano nga ila na ginalauman ang mga protesta ilabi na ang mga nagapakatig-a nga maghalin sa isla.
Ginpasiguro naman sang Police Regional Office 6 nga wala sang may malapas nga kinamatarong sang mga magaprotesta sa pagpasirado sang Boracay.