ILOILO CITY- Grasya sa tunga sang pandemya ang pagkabig sang mga tagdaog sa grand draw sang 1-2 Panalo Part 19 promo sang nabaton na ang ila mga premyo.
Sa interview sang Bombo Radyo kay Kathleen Labrador sang Jereos Extension Road, Lapaz, Iloilo City, iya ginpahayag nga tuman ang iya pagpasalamat sa premyo nga P50,000 bilang isa sa apat ka regional prize winners.
Suno kay Kathleen,kapisan ang iya sekreto kon ngaa nagdaog ini.
Ibakal niya sang personal nga kinahanglanon ang nadaugan nga cash kag ideposito sa Queenbank ang iban.
Nahibaluan nga si Labrador ang may yara sang speech impairment matapos nga naaksidente ini sang siya ang tatlo ka tuig pa lang.
Indi naman matakos ang kalipay sang guaranteed prize winners sang nabaton ang ila premyo.
Sa interview sang Bombo Radyo kay Nancy Cañonaso sang Leon, Iloilo, isa ka breast cancer patient, iya ginpahayag nga dako gid ang mabulig sang nadaugan niya nga P5,000 agud nga may gastuhon na siya sa pagbakal sang bulong para sa iya balatian.
Suno kay Cañonaso, kalipay ang iya nabatyagan sa subong sa pihak sang ginasuprir nga balatian bangud sa grasya nga iya nabaton nga ginakabig niya nga regalo sang Diyos sa iya.
Suno naman kay Liovel Neri sang Bantud, Dumangas, Iloilo kag guaranteed prize winner sang P10,000, iya ginpahayag nga ini na ang ika-apat nga kahigayunan nga nagdaog siya sa promo sang Bombo.
Pahayag niya, may ingubakal na siya sang bulong para sa highblood kag gamiton man niya ang kwarta sa pagbakal sang mga produkto nga mahimo niya magamit nga proof of purchase sa isa pa gid ka promo nga Buena Mano Salvo year 16 promo.
Para naman kay Dolores Allin sang Alimodian, Iloilo, guaranteed prize winner sang P15,000, nabayluhan gid ang iya pagkamaukod sa paghimo sang tuman ka damo nga entries.
Suno pa sa iya,apisar nga may ginabatyag nga arthritis, wala ini nagpugong sa iya agud i-claim ang iya premyo.
Ibakal niya ang nadaugan nga kwarta sang maintenance nga bulong sa highblood kag kinahanglanon sa sulod sang balay.
Gin-agda man niya ang tanan nga tagpalamati nga magpasakop sa tanan nga promo sang Bombo Radyo bangod indi imposible ang pagdaog sang dalagko nga papremyo.
