ILOILO CITY – Naglab-ot sa 37 ang COVID-19 cases nga na record sa Brgy. North San Jose, Molo, Iloilo City kun sa diin isa ka city hall employee nga COVID-19 positive ang ginatudlo nga nakapalala sang sitwasyon.
Sa interview sang Bombo Radyo kay Punong Barangay Rey Saligumba, iya ginpahayag nga wala nagpanugid sa Barangay Council ang nasambit nga city hall employee nga nagpaidalom ini sa RT-PCR test.
Ginapahayag nga antes pa man nagguwa ang positibo nga resulta, nakapanglugayawan pa ang nasambit nga empleyado kun sa diin apat ka close contacts ang nagpositibo man sa virus.
Ang 37 ka COVID-19 cases ang na record humalin sang Oktubre 1-15 kag nagapanguna ang nasambit nga barangay kun numero sang positive cases ang pagahambalan.
