USA – Isa ka daku nga balyena ang nakit-an nga nagalumpat kag nagabunggo sa isa ka gamay nga fishing boat sa kadagatan sang New Hampshire sa Estados Unidos.
Santo sa mga report, ang humpback whale nakita nga nagsaka gikan sa dagat kag daw naga-embow drop sa sakayan nga naigo sa likod nga bahin.
Nagtuwas naman ang unahan sang sakayan tubtob nga nagtakilid ini kag nagbaliskad.
Isa ka tawo ang naglumpat sa sakayan, samtang ang isa ang nabilin sa sulod.
Maswerte naman nga safe ang duha sang iban pa nga mga manugpangisda sa lugar, apang nahalitan ang ila sakayan kag kinahanglan nga guyuron pabalik sa pantalan.
Suno Greg Paquette, sakay sa sakayan sa pagpangisda, nagbalikid lang siya kag ang ulo sang balyena nagapanaug na sa ibabaw sang makina.
Ginpahayag man ang natungdan nga nakit-an ang balyena sa lugar isa ka semana antes ang insidente.
Ang hitabo isa ka misteryo sa madamo bangod suno sa mga eksperto, wala nagasalakay ang mga humpback whale sa mga sakayan.
Ginakabig man sila nga malulo sa mga tawo.
Suno sa isa ka katapo sang Blue Ocean Society for Marine Conservation, nagapangita sang makaon ang balyena rason nga nahimo sini ang magtuyo nga magsaka sa sakayan-pandagat.
Suno naman kay Dianna Schulte sang Blue Ocean Society for Marine Conservation, madamo sang menhaden, ukon isa ka sahi sang magagmay nga isda nga paon, sa suba sang damlag lang. Gani posible, nagasulod ini sa suba agud nga magapangita lang sang iya nga pagkaon.
