ILOILO CITY – Liwat na naman nga ipaidalom sa lockdown ang isa ka distrito sang Shanghai sa China para sa mass coronavirus testing.
Sang nagligad nga semana, gin-pahalug-halugan sang Shanghai ang ila mga restrictions matapos nga ginpaidalom sa home quarantine ang 25 ka million nga mga residente humalin sang Marso kadugangan sang pagpakigbato sang China sa pinakalala nga COVID outbreak sa sulod sang duha ka tuig.
Apang ang lockdown ang wala na-fully lift bangud ginatos ka libo ka mga residente ang nagapabilin sa ila balay kag multiple residential compounds.
Ang southwestern district sang Minhang, nga may 2.7 million ka tawo ang ipaidalom sa “closed management” sa Sabado kag ang tanan nga mga residente ang ipaidalom sa testing.
Ang closure ang gilayon nga i-lift sa tion nga maubos na kuha ang mga samples.
Sa idalom sang stringent zero-COVID approach sang China, ang tanan nga positive cases ang gina-isolate kag ang mga close contacts kag ginapaidalom sa quarantine.
