ILOILO CITY — Labing importante para sa isa ka eksperto ang pagpaidalum sa psychological first aid ilabi na kun nakabatyag kag naka-eksperyensya sang stress kag trauma sa pagpangabuhi.
Sa interview sang Bombo Radyo kay Dr. Evony Allisa-Deveza, isa ka psychiatrist, iya ginpahayag nga ang psychological first aid ang makabulig nga ma-improve ang self-belive kag value sang isa ka indibidwal kag nagapataas sang kapasidad sa pagtalakay sang mga mabudlay nga sirkumstansya.
Suno kay Deveza, tuyo sang amo nga tikang ang mabuhinan ang primary stress sang tawo paagi sa pagpakig-koordinar sa pamilya kag abyan agud makapakita sang suporta kag gugma.
Gin-athag man sini nga ang aspeto sang psychological first aid amo ang mapakita ang importansya sang isa ka tawo agud irespeto niya ang iya kaugalingon nga dignidad, kultura, kag abilidad.
Nagapati naman ang natungdan nga isa ka vital sa kabuhi sang isa ka tawo ang masekyar ang iya emotional kag mental health.
