ILOILO CITY — Nagapati ang isa ka eksperto nga labing-importante ang paggamit sang artificial intelligence (AI) sa construction agud mapadasig ang paghuman sang isa ka imprastraktura.
Sa interview sang Bombo Radyo kay Atty. Joenar Pueblo, isa ka abogado, iya ginpahayag nga ang construction ang isa mga primary force sang ekonomiya sang pungsod sa diin may dako ini nga katungdanan sa pagsanyog sang isa ka lugar.
Suno kay Pueblo, tubtob nga kompleto ang data sang makinarya sang artificial intelligence, wala sang may matabo nga human error.
Ginpahayag man ni Pueblo nga posible mangin epektibo sa pagtukod sang mga imprastraktura ang paggamit sang AI bangud matalunsay sini nga matumod ang mga depektibo kag indi depektibo nga mga materyales nga pagagamiton sa construction.
Gin-athag man sang natungdan nga madamo sang posible nga gamitan sang AI apang siguraduhon lamang nga gamiton ini sa insakto agud makahatag sang positibo nga resulta sa komunidad.
