Nagpahanumdom ang isa ka eksperto nga importante ang husto nga pamaagi sa pagkuha sang mga unwanted hair sa lawas.
Sa interview sang Bombo Radyo kay Dr. Cecilia Uy Tan, isa ka dermatologist, iya ginpahayag nga masami nga ginahimo sang iban sa pagkuha sang mga unwanted hair amo ang pag-shave.
Suno pa sa iya nga dapat insakto ang ginahimo nga pagkuha sini bangud mahimo ini nga magresulta sa pag-itom sang panit.
Ginpahayag man sini nga maghalong man sa kagamitan nga ginagamit kag mas maayo nga mangayo sang opinyon sang eksperto antes maghimo sang bisan ano nga beauty routine.
Dugang pa ni Dr. Tan, ang pag-atipan sang panit indi lamang para sa pagpatahum sini kundi importante man nga maayo ang sitwasyon sini para sa ikaayong lawas.
