ILOILO CITY – Daku nga bugal kag pagpanghangkat para sa isa ka Ilonggo nga ginkilala bilang isa sa mga certificed cultural mapping facilitator sang National Commission for Culture and the Arts.
Sa interview sang Bombo Radyo kay Dr. Jose Jimenez Patubo, isa ka cultural worker kag tourism officer sang San Enrique, Iloilo, iya ginpahayag nga wala niya ginlauman nga isa siya sa mga mapalaron nga mapili-an bilang certificed cultural mapping facilitator sa ginatos ka mga aplikante.
Suno kay Dr. Patubo, nangin huyog na niya ang musika kag ang pagtib-ong sa kultura sang Pilipinas.
Ginpahayag ni Dr. Patubo nga wala nangin mahapos ang iya gin-agyan bag-o malab-ot ang kadalag-an.
Bilang isa ka culural worker, ginpahayag sang natungdan nga nagpaidalom siya sa training kag patuon bag-o nangin certificed cultural mapping facilitator.
Iya gid nga ginaduso amo ang pagtib-ong sang tangible kag intangible nga culutral heritage sa Pilipinas.
Halimbawa sang tangible culutural heritage amo ang mga dinumaan nga building, balay, simbahan nga nagapakita sang maragtas sang isa ka lugar samtang ang mga intangible culutral heritage naman amo ang mga saot, ambahanon kag kultura sang mga tawo.
Ginpahayag sang natungdan nga dapat nga ipablin ang cultural heritage para mahibalu-an sang mga ulihing tubo ang maragtas sang Pilipinas.
