Gindeklara nga nuisance candidate ang isa ka kandidato nga nagapadalagan bilang kongresista nga naggamit sang hayo ni Ex- Congressman Paolo Javier sa Probinsya sang Antique.
Ang kandidato amu si Joel Mabacquiao Javier Sr. ukon kilala nga si Dodoy nga naggamit sang hayo nga “Pao Javier” nga amu man ang gingamit ni anay congressman Paolo Javier sa iya kandidatura sa May 2022 elections.
Sa interview sang Bombo Radyo kay Atty. Jobert Pahilga, legal counsel ni anay Congressman Paolo Javier, iya ginpahayag nga ginpaboran sang Commission on Elections (COMELEC) ang ila gin-file nga petition bangud napamatud-an nga wala sang genuine intention si Joel Mabacquaio nga magpadalagan bilang kongresista.
Nahibaluan man suno sa natungdan nga isa ka driver sang Public Utility Vehicle (PUV) si Mabacquiao kag wala sang ikasarang nga magpatigayon sang province wide nga kampanya.
Suno kay Atty. Pahilga, may yara man sang mispresentation sa iya paggamit sang hayo nga “Pao Javier” bangud wala man ini ginatawag sang mga tawo sa amu nga pangalan.
Wala naman sang plano nga magpasaka sang civil ukon criminal case ang kampo nanday Javier batok kay Joel Mabacquiao.
Suno kay Pahilga, mahimo nga masaylo ang boto nga na-shade kay Dodoy Mabacquiao sa legitimate candidate nga si ex congressman Paolo Javier.
Samtang, sa interview naman sang Bombo Radyo kay Atty Wil Arceño, Antique Provincial Election Supervisor, iya ginpahayag nga bangud na imprinta na ang official ballots para sa May 2022 elections, nalakip sa gihapon ang pangalan ni Joel Mabacquaio.
Suno kay Arceño, hulaton nalang ang penal nga desiyon sang first division sa masunod nga lima ka adlaw kun wala sang may mag-file sang motion for reconsideration.
Kun maggwa na ang penal nga desisyon sang first divion, ang tanan nga boto nga nagkadto sa nuisance candidate ang automatic nga masaylo sa legitimate candidate.
