Wala na sang kabuhi sang nasapwan ang isa ka lalaki sa balay sini nga ginatrabahuan sa Brgy. Sta. Filomina, Arevalo Iloilo City kaina sang aga, Agusto 31.
Ginkilala ang biktima kay Kenneth Galia, 35-anyos, isa ka construction worker kag residente sang San Lorenzo, Guimaras.
Sa interview sang Bombo Radyo kay Max Vargas, pakaisa sang biktima, iya ginpahayag nga ginpukaw sini ang iya pakaisa kaina sang aga agud magpangape.
Apang, ginkakibot na lang sini nga mayami na ini kag wala na ini nagahulag.
Pahayag pa ni Max, wala man sang nakita nga pilas sa lawas sang biktima.
Suno pa sa iya nga maayo pa ang kahimtangan sang biktima kagab-i kag wala man ini sang reklamo nga nagalain ang iya nga pamatyag.
Naka-istorya man ini gani paagi sa cellphone sa iya asawa kag mga kabataan kagab-i antes matabo ang insidente.
Ila man gina-alegar nga base nabangungot ang biktima.
Sa karon, nakabase na sa pamilya kun ano ang ila masunod nga mangin desisyon sa natabo sa ila nga himata.
