ILOILO CITY–Tuyo sang Philippine National Police (PNP) ang pagpatukod sang Metro Boracay Police District.
Sa interview sang Bombo Radyo kay  PNP Chief Police Director General Oscar Albayalde, iya ginpahayag nga katuyuan sini nga wala sang makalusot nga mga kontrabando sa isla.
Samtang wala pa ini mapatukod, ginpahayag ni Albayalde nga ipabilin anay ang mga nag-augment nga mga pulis sa Boracay.
Suno kay Albayalde, kinahanglan pa sang approval sang National Police Commission (NAPOLCOM) ang pagpatukod sang Metro Boracay Police District.
Una na nga ginpahayag ni Albayalde nga gikan sa 200 ka mga pulis, gindoble ini agud mapasigurado ang kalinong kag katawhay sa Boracay.