ILOILO CITY – Isa ka Locally Stranded Individual ang nagpositibo sa Coronavirus Disease 2019 (COVID-19) kun sa diin naglab-ot na sa 147 ang kabug-usan nga numero sa bug-os nga Western Visayas.
Magluwas diri, isa man ang nagdugang sa listahan sang mga naka recover kun sa diin nagsaka sa 101 ang kabug-usan nga numero sang mga pasyente nga nag-ayo sa nasambit nga virus samtang nagapabilin naman sa 10 ang patay.
Suno kay Dr. Marie Jocelyn Te, Medical Coordinator sang Emerging and Re-emerging Infectious Diseases sang Department of Health 6, as of June 15, ang Patient no. 147 amo ang 23 anyos nga babayi sang Pavia, Iloilo kag naka facility quarantine samtang ang naka recover naman amo si Patient no. 103 nga isa ka 34 anyos nga lalaki sang Alimodian, Iloilo.
Sa 474 nga laboratory results, 473 diri ang negatibo kun sa diin duha ang ginpaidalom sa repeat test.
Sa subong, ang Aklan ang may 6 ka COVID-19 cases, 14 sa Antique, 6 sa Capiz, 21 sa Iloilo Province, 3 sa Negros Occidental, 11 sa Bacolod City, 19 sa Iloilo City kag 67 sa repatriates.
