Gin-suspend sang LTO Central Office ang Regional Director sang LTO MIMAROPA Region bangud sa isyu sang korapsyon.
Suno kay LTO Chief Markus Lacanilao, gin-recall niya sa LTO Central Office ang nasambit nga RD samtang padayon ang imbestigasyon sa isyu.
Suno sa iya, kabahin ini sang masangkad nga anti-corruption effort agud tinluan ang ahensya.
Ginaalegar nga ginapangayuan sang mga tinawo sang amo nga LTO official sang P50,000 ang pila ka proponent sa LTO kabaylo sang pagproseso sang ila aplikasyon.
May complainant nga nagpadala sang kwarta paagi sa isa ka money remittance service kag may resibo nga ebidensya.
May mga transport groups man nga nagpasa sang mga reklamo batok sa LTO official sa MIMAROPA nga nagapangayon ini sang P7,000 kada unit sang sasakyan agud mangin matinlo ang ila mga dokumento.
