Sa masami, sa kada eleksyon, indi gid mag-zero ang boto sang pulitiko bangud pat-od nga botohon sini ang iya kaugalingon magluwas pa abi sa bulig sang iya pamilya.
Amo gani nga maragtas gid ang nahimo sang isa ka Canadian sang damlag lang bangud sa labing-una nga tion sa contested federal election sa ila pungsod, may kandidato nga wala gid sang nakuha nga bisan isa ka boto.
Ini amo si Félix-Antoine Hamel, 45, nga nagbutang sang pangalan sa balota sa Toronto-St. Paul by-election sa Toronto.
Isa siya ka musician kag nagdesisyon nga magpadalagan bilang kabahin sang protesta batok sa first-past-the-post election system sa pungsod.
Kabahin si Hamel sang election reform advocacy group nga Longest Ballot Committee kag isa sa 84 nga nangisog nga ilista ang pangalan sa balota.
Nahibaluan nga nga ang kaangay niya nga independent candidates ang ginalauman nga makakuha sang isa ukon duha ka boto bangud pwede nila botohon ang ila kaugalingon. Apang natabuan nga lain man nga distrito ang ginapulian ni Hamel kag lain man nga distrito ang iya nga ginpadalaganan.
Bangud sini, sang nakit-an sini ang resulta, gintawag niya ang kaugalingon nga siya ang matuod nga “unity candidate.” Ina bangud, suno sa iya, tanan nga tawo ang nag-unite kag nagsugtanay nga indi siya pagbotohon.
“When I saw the result, I was like, ‘Well, I am the true unity candidate. Everyone agrees not to vote for me,’” suno kay Hamel.
Apisar sang resulta, nalipay si Hamel bangud sa kadamo sang tawo sa Canada, talagsa lang suno sa iya nga makahimo ang history ang ordinaryo nga tawo kaangay niya.
“I’m one of the last people that would be expected to make Canadian history in any way,” pahayag sini.
“As long as I have the right and the privilege to get zero votes in an election, then we are truly in a democracy.”#
