ILOILO CITY – Gin-akusaran sang isa ka agriculture cooperative ang isa ka opisyal sang Bureau of Plant Industry (BPI) nga involve sa extortion kag smuggling sang bombay sa pungsod.
Ini ang ginbuyagyag ni Wilma Ocampo sang Cambridge Cooperative sa House committee hearing sa gina-alegar nga smuggling sang agricultural products sa pungsod.
Suno kay Ocampo, pila ka mga empleyado sang Department of Agriculture (DA) ang nagtinguha nga mag-extort sang P500,000 halin sa ila grupo kabaylo sang pag-release sang imported nga mga ulutanon nagikan sa mga seaports.
Ginpahayag niya nga ang mga empleyado ang sa idalom ni Jesusa Ascutia.
Ang una nga ayo ang nagdangat sa P180,000 tubtob nga nagpanaog sa P150,000.
Ginklaro naman ni Agriculture Secretary William Dar nga isa ka opisyal sang BPI si Ascutia.
Ginpaathag naman sang DA-BPI bilang sabat sa akusasyon ni Ocampo nga ang mga fresh vegetables nagikan sa China ang wala ginapahanugutan nga magsulod sa pungsod.
Ang mga frozen vegetables gid lamang ang mahimo nga mapasulod sa pungsod.
Si Ascutia ang imbitaron sa masunod nga hearing.
