ILOILO CITY – Dakop sa drug buy bust operation ang pamilya Divinagracia sa 7th Street, Alta Tierra Village, Balabago, Jaro, Iloilo City.
Ini amo sanday Rascid Divinagracia, 43-anyos; anak niya nga si Vanessa Bedua, 26-anyos kag Jan Yasser Divinagracia, 24 anyos; pakaisa nga si Michael Divinagracia, 37 anyos; nobyo ni Vanessa nga si Jerick Esponilla, 31 anyos sang Pavia, Iloilo; kag Marlon Durban nga administrative officer sang Branch 9 sa Iloilo Hall of Justice.
Sa interview sang Bombo Radyo kay Police Captain Mark Dado, team leader sang RDEU, iya ginpahayag nga narekober ang 15 ka sachet sang suspected shabu kag P3,500 nga buy bust money.
Nag ako man si Durban nga madugay na siya nga nagagamit sang droga kag naglain pa ang iya pamatayag sang nag operate ang Regional Drug Enforcement Unit (RDEU) kaupod ang Jaro Police Station.
Samtang nagpasalamat naman si Punong Barangay Edgar Arañador ang pagkadakop sang pamilya Divinagracia bangud kabahin sa Barangay Anti-Drug Abuse Committee (BADAC) report amo ang subject sang operasyon nga si Jan Yasser.
Gintu-ad man sang punong barangay nga masami nalakip ang nasambit nga pamilya sa kinagamo sa ila nga barangay.
Nahibaluan nga madugay na kuntani nga natigayon nga madakpan ang subject sa operasyon apang ginapahayag natimbrehan ini sang isa ka police sa Jaro Police Station apang wala na ginhingadlan pa
