Ginpakigbahin sang isa ka Parkinsons disease patient ang iya eksperyensya nahanungod sa dako nga bulig sa iya sang Sayaw PD agud mahagan-hagan kag mapaayo ini sa iya nga sakit.
Sa interview sang Bombo Radyo kay Teresita De los Santos, iya ginpahayag nga dako gid ang nabag-o sa iya kahimtangan sang nagsugod siya sa pag-upod sa klase sang Sayaw PD nga libre nga ginapakigbahin sang isa ka successful Ilonggo kag dancer nga si Novy Bereber.
Suno pa sa iya nga paagi sa pag-engage sang kaangay nga pagsaot nabuligan sini ang iya kaugalingon agud mapadali ang iya nga pag-ayo sa Parkinson’s disease.
Dako naman ang iya pagpasalamat sa kaangay sini nga inisyatibo bangud madamo sang mga Ilonggo ang nagapartisipar sa pagsaot para mapadali ang ila nga pag-ayo.
Samtang sa interviw naman sang Bombo Radyo kay Mr. Novy Bereber, founder sang Sayaw PD, iya ginpahayag nga ang programa wala sang bayad kag bukas para sa tanan nga may pareho nga kondisyon.
Ginpahayag man sini nga bilang isa ka Ilonggo gusto sini nga mbalik sa mga tawo ang nahibal-an man sini sa luwas sang pungsod sang una.
Suno pa sa iya nga dako man nga bulig sa iya personal nga pagpasanyog sang iya kaugalingon ang kaangay sini nga buluhaton bangud nagabulig ini sa mga tawo nga nagakinahanglan sang bulig paagi sa talento nga ginhatag sa iya sang Diyos.
