DUMANGAS, ILOILO – Pilason ang myembro sang LGBT community sa PD Monfort South, Dumangas, Iloilo matapos maaksidente ang ginamaneho nga motorisklo kag nakabunggo sa poste.
Sa interview sang Bombo Radyo sa biktima, iya ginpakilala ang kaugalingon bilang si Daisy Cesar apang paglab-ot sa ospital, Julien Baldonado ang gintu-ad sini nga pangalan.
Duguon ang kilid nga bahin sang iya nga mata kag nagpamalibad pa kuntani ini nga dal-on sa ospital.
Apang bangud sa pilas sini nga naangkon, natigayon nga madala ini sa ospital agud madapatan sang nagakaigo nga pagbulong.
Ang biktima ang ginapahayag yara sa impluwensya sang makahulubog nga ilimnon.
