Nasapwan-patay ang isa ka iloy nga isa man ka Person with Disability (PWD) sa Brgy. La Fortuna, Barotac Viejo, Iloilo.
Ang nasapwan patay amo si Alyas Inday,30-anyos, kag residente sa nasambit nga lugar.
Sa interview sang Bombo Radyo kay Police Major Felix Alianza, hepe sang Barotac Viejo Municipal Police Station, iya ginpahayag nga Nobyembre 8 palang sang ginapangita si Alyas Inday sang iya pamilya bangud wala ini nakapuli.
Suno kay Alianza, nasapwan nalang ini nga nagakaya, kag wala na sang kabuhi sa maligwin nga bahin, masobra 100-metros ang kalayuon halin sa ila balay.
Dugang pa sang natungdan, ipaidalum sa autopsy ang lawas sang nasapwan-patay agud nga mahibaluan ang posible gintunaan sang iya kamatayon.
Sa inisyal nga imbestigasyon, posible nakuryente si Inday bangud may nakit-an nga linya sang kuryenti sa iya tupad.
Kumpleto man ang panapton ni alyas Inday sang nasapwan ini apang,padayun nga ginapadalman sang kapulisan ang nasambit nga insidente.
