ILOILO CITY – Madamo na sang napamatud-an ang ido sa aton nga mga tawo.
Yara lamang sila nga wala nagabiya sa aton sa tion nga kinahanglanon ta sila.
Sa New Jersey, isa ka service dog ang ginhatagan man sang iya nga college diploma sa Seton Hall University.
Ang ido nga si Justin ang nangin kaupod na ni Grace Mariani sa iya pag-eskwela sa kolehiyo gani sang nagkuha ini sang diploma, yara man ang iya nga ido.
Nag-cheer ang mga graduates sang gindaho na sang presidente ang diploma kay Grace.
Nagtodo pagid ang pag-cheer sang yara sa sulod sang hall sang si Justin na ang nagkuha sang iya nga diploma.
Suno sa eskwelahan, ang anum ka tuig nga ido ang nagtambung gid sa tanan nga klase ni Grace gani deserve man niya ang college diploma.
