Isa ka sundalo ang napilasan sa engkwentro nga natabo sa Tapaz, Capiz pasado alas 2:00 sang kaagahon subong nga adlaw, Agosto 22.
Sa interview sang Bombo Radyo Roxas kay Col. Erwin Rommel Lamzon, Chief sang Public Affairs Office sang 3rd Infantry Division, ginpahayag niya nga ang sundalo naigu sa left shoulder kag yara na sa stable nga kondisyon.
Padayon naman ang pursuit operation batok sa mga nabilin nga miyembro sang Regional Sentro de Gravedad kag Central Front sang Komiteng Rehiyon-Panay.
Gintingub nga puwersa sang 301st Brigade, 12th Infantry Battalion, 61st IB, 82nd IB, kaupod ang intel units, artillery, armor kag pila ka elemento sang Philippine Air Force ang nag-atubang sa rebelde.
