ILOILO CITY – Isa missing, duha ang na-rescue matapos nagkapan ang fishing boat sa Barangay Calumpang, Molo, Iloilo City.
Ang missing amo si Melfred Pomperada, samtang ang narescue naman amo ang mag-utod nga sanday Roel kag Reynolds Mandal lunsay residente sang nasambit nga lugar.
Sa exclusive interview sang Bombo Radyo kay Punong Barangay Roberto Niño, iya ginpahayag nga nagapangisda ang mga natungdan sang nakasalawid ang ila pukot sa tangaban.
Suno kay Niño, mabaskog ang balod rason nga nagkapan ang ginasakyang sang mga manugpangisda nga sakayang pandagat.
Sa subong, padayon pa ang pagpangita sang mga otoridad kay Pomperada.
