Natigayon nga ma rescue ang isa na naman ka Filipino crew member sang Panamanian-flagged vessel Gulf Livestock 1 sa diin natukiban ini nga naga-isahanon sa life raft.
Suno sa Department of Foreign Affairs, conscious kag makalakat pa ang amo nga lalaki.
Sa subong, indi pa ma-isapubliko sang ahensya ang pangalan sang seafarer bangud wala pa ini makahatag sang pahanugot nga i-publish ang iya pangalan.
Padayon naman nga gina-monitor sang Philippine Embassy sang Tokyo, Philippine Consulate General sa Osaka kag Philippine Overseas Labor Office (POLO) ang sitwasyon kaupod ang Japanese Coast Guard.
Nagpasalig naman ang tag-iya sang barko amo man ang manning agency nga magahatag ini sang nagakaigo nga suporta ukon bulig sa mga Filipino seafarers kag sa ila tagsa ka mga pamilya.
