Duha ka bulan matapos ang maragtason nga kadalag-an sang Pinoy singer nga si Sofronio Vasquez sa “The Voice USA”, may isa na naman ka Pinay singer ang nagtilaw sang iya kapalaran sa amo nga kompetisyon kag napa-impress ang mga coaches.
Inj amo si Jessica Manalo nga nagkanta sang “Unholy” ni Sam Smith kun sa diin sa apat ka coaches, duha ang nag-agaway sa iya nga amo sanday Michael Bublé kag Kelsea Ballerini.
Si Bublé amo ang coach ni Vasquez sang nagdaug ini bilang grand champion sang season 26 sang Disyembre sang nagligad nga tuig.
Naghimo si Sofronio sang maragtas bilang pinakauna nga lalaki nga Asyano kag Pinoy nga nagdaug sa amo nga international singing competition.
Matapos nga naglab-ot sa million ang views sa audition ni Manalo, nagpasalamat naman ini sa suporta nga iya nabaton.
Sa subong, wala pa mahibaluan kun sin-o nga coach ang ginpili ni Manalo bangud sa masunod nga episode pa ini iga-anunsyo.
