ILOILO CITY – Padayon pa nga ginapangita sang mga otoridad ang isa ka suspek nga nagpangbuno sa duha ka mga menor de edad sa Barangay Boulevard, Molo, Iloilo City.
Sa nasambit nga insidente, pilason ang 13 kag 15 anyos nga mga biktima nga lunsay residente sang Barangay North Baluarte, Molo.
Samtang ang mga suspek naman ang naga-edad sang 16 anyos kag duha ka 18 anyos.
Sa interview sang Bombo Radyo kay Police Captain Gimel Acuesta, Officer-In-Charge sang Molo Police Station, iya ginpahayag nga nagsinuya-ay ang grupo sang mga suspek kag biktima.
Suno kay Acuesta, matapos ang insidente, nadakpan ang 16 kag isa ka 18 anyos nga suspek.
Apang ang isa pa gid ka 18 anyos ang nakapalagyo.
