Isa patay, 3 pilason sa aksidente sa Lambunao, Iloilo

ILOILO CITY–Isa patay samtang  tatlo ang pilason  matapos magbunggu-anay ang duha ka motorsiklo kag Toyota Revo sa Brgy. Maite Pequeño, Lambunao, Iloilo.
Dead on arrival sa ospital si Sulpicio Losbañes Jr.  samtang pilason naman ang angkas nga si Rey Derecho, Jose Elmer Subong nga driver sang isa pa gid ka motorsiklo kag ang angkas nga si  April Love Latoza.
Suno kay  PO1 Reysan Larrosa sang Lambunao Municipal Police Station, iya ginpahayag nga nagbunggu-anay ang duha ka motor rason nga nagbangon ang mga sakay kag ginlantaw ang guba sang motorsiklo.
Didto na kag nabunggu-an pa gid ang mga biktima sang Toyota Revo nga ginamaneho ni Rhian Lebuna sang Brgy. Walang, Lambunao, Iloilo.
Nagsungka naman sa Lambunao PNP si Lebuna kag magapangatubang sang nagakaigo nga kaso.
Mahimo nga anag kakulang sa streetlights sa lugar ang gintunaan sang aksidente suno kay PO1 Larrosa.