POTOTAN, ILOILO – Isa ang patay samtang isa ang nabali-an sang tiil kag kamot sa pagbunggu-anay sang duha ka motorsiklo sa Brgy. Igang, Pototan, Iloilo.
Gindeklarar nga dead on arrival sa hospital ang si Jonathan Pineda nga ginapahayag isa ka barangay official sa Jamabalud, Pototan, Iloilo samtang padayon naman nga ginabulong sa hospital si Dominic Arcenal, 20 anyos.
Suno sa mga nakakita, may ginbakal sa isa ka hardware si Pineda kag nagapapauli na sang natabo ang aksidente.
Bangud sa tuman ka baskog nga impact sang pagbunggu-anay sang duha ka motorsiklo, patal nga pilas sa ulo ang naangkon ni Pineda.
Padayon pa ang imbestigasyon sang otoridad sa natabo sa aksidente.
